حكاية كل يوم

نويت أزاكر..

صرصار دخللّي

هرش لي مخي

أعدت أفلّي..

* * * *

الطشت قاللي

يا حلو يا اللي

آعد تفلّي

إقفل كتابك

قوم إستحمّي

* * * *

رجعت أزاكر

أعدت أهابر

أنا جبت آخر

الجوع قرصني

ولا عدت قادر

* * * *

إسمع يا عقلي

هاعمل اللّلي

وأحفظ تملّي

لو كلت وجبة

وبعدين أحلّي

* * * *

آخر تمام

رز وحمام

أنا عقلي غام

قفلت الكتاب

ودخلت أنام..

* * * *

الجعرّ

فوازير الراوند الجديد

هتجيني وتحضر بالجزمة
وهتسمع شرح مالوش لازمة
تأخيرك دا مصيبة كبيرة
وغيابك يعملّلك أزمة

* * * * *
أنا راجل بشرح ديناميكي
أنا راجل حربي وتكتيكي
معلومتي.. من ماجد أو ميكي
وأول ما بخطي لجوة..
الباب يقفل توماتيكي

* * * * *
بتكلم ولا عمري بخلّص
ولا أسيبك من غير ماتفيّص
ويا إما بخرّف يا بهجّص
درجاتك كلها بالسالب ..
والبارتسيبيشن بالمينص

* * * * *

يا تري أنا في راوند إيـــــــــــــــــــــــــــــــــــــــــــــــــه؟؟

الجعرّ