الحب الEctopic

يا خصمي إنت والقاضي
أنا حالتي صبحت زفت
وإن كنت إنت بكدا راضي
إمضيلي عالconsent
حبك أتاريه كان مقلب
والقلب لازم هيتوب
ووراك هرشقله لولب
وأقفل الاتنين تيوب
حبك تاعبلي قلبي
وجايبلي فيه discharge
وياريته حب medium
دا مقاسه X large
قلت منه أخلص
بالMetronidazole
أتاريه في الأصل Fungus
وعايزله مالـ Azole

حبك كان Emesis قام هيبر
حله يتنهي في الحال
فيبرويد كان لحظة صغير
كبر بأة لزمن يتشال

حاولت أعمله Suction
جربتله الـinduction
إديته Oxytocin
وبجرعة مش بسيطة
إديته Ergomtrin
مطلعش ابن الغتيتة
أتاريه كان increta
وعايزله Hysterectomy

عفريت العلبة

ليه يا كتاب النسا مش راضي
تدخل جوا دماغي الفاضي؟
ليه يا كتاب النسا بتعصلج
نفس الصفحة لساعة قصادي؟

ليه يا كتاب النسا مش عايز
جرب حتي ما يمكن جايز
تلقي دماغي مكان متكلف
تلقي حشيش تبقي إنت الفايز

جابلي مراية وقاللي يابيه
آدي دماغك بص عليه
شغل مخك -لو موجود-
ودا مين بتروح للنار رجليه؟

قلتله راسي إيجارها جديد
عقد وقابل للتجديد
إدخل بس لحد ماأخلّص, وإن مارتحتش
تخرج تاني بالتأكيد

قمت هجمت عليه في ثواني
صفحة فبقي, إتنين في وداني
رزعت وراه قفلين ألماني
وإنسي يا داخل تخرج تاني

فتحت عنيا لقيته مكانه
فاتح بقه ومطلع لسانه
طلعت أصوّت غيتيني يامّه
عفريت العلبة أشكيف زمانه!

يا طالب يا فاجر

ّ

يا طالب يا فاجر
يا عمال تعافر
وقاعد تذاكر
وسهران تهابر
وتحفظ كمان

وترجع تراجع
وتفتح مواقع
وتقرا في مراجع
وتحرت وتهرس
تحس بأمان

وتلحق تخلّص
وتعرف تلخّص
وتعمل ملخّص
وتقدر تشخّص
في أسرع زمان

برضك هجيبك
لا يمكن هسيبك
وهاخدك وأزطّك
وأشيلك وأحطّك
وأغير وأقدّم
معاد الامتحان

وبمخي المصدّي
وعقلي المهدّي
والعاهة اللي عندي,
هادخل وأدّي
وطبعا هعدي
منا ابن الأفندي
وهارتب كمان
* * * * * * * *