ZUZألبوم - أبو جهل للإنتاج الفني والتوزيع
ألبوم : ZUZ - 2008
Track 03 : إيه اللي رماككلمات : محمد ضياء
توزيع : عمرو أكمل
هندسة صوت ومكساج : محمد أكمل
إنتاج : أبوجهل للإنتاج الفني والتوزيع
برعاية أبّـــــــــــــــــــــــــص
******************
إيه اللي رماك هنا يا حزين
إيه اللي رماك طب الزقازيق
إيه لازمته بس التهزيق
كل شوية تشيل خوازيق
داخل كدا بتقول علطول
"كله تمام كله مترتب
هادخل أزاكر أجيب وهارتب
برة العشرة لايمكن أعتب"
تفضل طول السنة تتعذب
كرشك دلدل ضهرك أتب
آعد كدا علطول محبوس
آعد تحرت زي الموس
محاضرة وسكشن ثم دروس
تحرق صحة تكع فلوس
وبعد دا كله تيجي فالآخر
بعد مالطول السنة بتزاكر
جوة اللجنة آعد مش فاكر
تلبس جامد حاجة مالآخر
تيجي نتيجتك , وتشوف خيبتك
جايب مقبول !!
غني ساعتها وقول علطول:
"إيه اللي رماك هنا يا حزين..
تتعب..تشقي..ست سنين
لا هاتتعلم حاجة مفيدة
ولا ليك فالآخر تعيين"
هتروح وهتحضر بالجزمة
وهتسمع شرح ملوش لازمة
تأخيرك دا مصيبة كبيرة
وغيابك يعملك أزمة
الدكتور بيقول وينبه
تظبط ساعة وتبقي منبه
القوانين واضحة ورسمية
لو غايب عشرين في المية
لو تدخل مالباب بعديا
تقتل تذبح من غير دية
ولو تيجي دقيقتين متأخر
لا أنا هاسمع وأفهم ولا أقدر
وهاقولك من غير ماهفكر:
"إطلع أخرج ولّع شيط
جاي متأخر يابن الـ "تييييت"
تيجي من بدري وتبأة حويط
تدخل تحضر تاخد شيت
إفرح أرقص غني وزيط
تربتتا - تربتتيت
نفض كبر وأعد هزر
هلّس هيّس تبأة كويس
نفض بارا إقلب بكتريا
وإنزل إطلع عالكافتريا
روح ظبطلك حتة طرية
واحدة طالعة من الثانوية
كان مجموعها 200 %
( ممكن ثانية ؟ - ورايا مذاكرة
رايحة فين - عندي محاضرة
إيه يابنتي دا - هطلع سكشن
روحي موتي - أنا أندر تنشن ) * بوووم*
بس تحرّص خاف تتعور
تيجي تكلم واحدة تكوّر
إيدها وفسنانك تديلك
أو بالمطوة عليك تتهور
لو مش عارف أنا عرفتك
لو مش فاكر أنا فكرتك
لحسن تيجي تقول آه ياني
يا دي النيلة أنا إيه اللي رماني
إسمع مني نداء إنساني
خش يا أكمل قول من تاني
" إيه اللي رماك هنا يا حزين..
تتعب..تشقي..ست سنين
لا هاتتعلم حاجة مفيدة
ولا ليك فالآخر تعيين"
تحميل الأغنية
هناك ٣٠ تعليقًا:
g3r &akmal
so
it is ur normal:
funny
new
innovator auhor
&
imaginative melodest
ههههههههههههههههههههههههههه
ههههههههههههههههههههههههههه
ههههههههههههههههههههههههههه
هههههههــ سو نايس ـــهههههه
هههههههههههههههههه
خطييييييييييييييييييييييييرة
على راي ممدوح فرج
مانشتات مالهاش حلات
برافو يا جماعة ...
شغل زي الفل ...
بس دي لازم تنزل في مناهج الثانوية العامة علشان تلحق تنقذ الأطفال البريئة دي .. D:
jacpower
مش عارف اعلق على ايه
مش فاهم ولا سامع حاجه من الاغنيه دى
بس على العموم ربنا يوفقوا ويكون الكلام اللى يتقال بعد كده ليه لازمه او حاجه مفيده
سلاموووووووز
ياعم الجعر حط الفيديو يا ولد هنا افضل
هههههههههههههههه
هههههههههههههههههههه
هههههههههههههههههههه
رائع :)
كوووووووووووووووووووول قوي يا جماعة
من نجاح لنجاح ان شاء الله
الواحد لقي نفسه فعلاً في الأغنية دي
يالا هانت .... ربنا يعدي السنتين دول على خير ان شاء الله
مستنية الكليب ان شاء الله
جاااااااامدة
انتم جامديين جدا يا جماعة
جامده يا دكتور بتعبر عن حالنا
ياريت بقا الصغيرين يتعظو وميفكروش يدخلوها
el kalemat gamda gdn ma sha2 allah
fe shwayet tazbetat fe el synchronization ben elly by3'any w el eka3 lw zabatoha hatob2a to7fa
bs el sho3'l gamed w el klmat gamda a5er 7aga
fazi3a 3a2dtony ana ba3d ma ba2eet f sata ma bal bto3 Ola :D
hahaha
it is so so nice and really reflects the reality .
thanks
ايه أخبار الكليب؟؟؟
حاسة كدة انه قرب....ولا ايه؟؟؟
يا جدعان الموقع مقفول لمصر
ومش عايز يحمل
مش عارف ليه
يا ريت اي لينك غير دا
ههههههههههههههههههههههههههههههههه ربنا معاكوا انا عايزاك تمشى تخبط على دماغك وتقول انا الى جبت دة كلة لنفسى انا الى جبت دة كلو لنفسى :]:]:]:]
Very rich and interesting articles, good BLOG!
fife25800
لأ مش ممكن
لولا إني مش عاوزهم يقولوا علي اتجنن، كان زماني مرمي في الأرض
بالمناسبة .. تسمح أحطها عندي في المدونة
أي نعم إحنا طب إسكندرية، بس الهم واحد، و كلنا في الهوا سوا
مستني ردك
اتفضل يا دايخ نيابة عن الجعر بقولك حطها لانه مشغول اليومين دول بمؤتمر هندسة الانسجة معرفش يعنى ايه بس المؤتمر هيكون عندكوا فى اليكس
ع فكرة اغنية جامدة جامدة جامدة مووووووووووت
وبجد كلمتها وطرقتها حكاية
انا خلاص عايزة واحدة زيها لجامعتنا يا جماعة وليكم الحلاوة
طب جامعة حضرتك ايه واحنا نعملها
http://filegetty.com/268561/
http://drsherif.co.cc/test/rapidget/files/eh_-elly_-ramak.mp3
http://ifile.it/p32xai9
http://rapidshare.com/files/211560833/eh_-elly_-ramak.mp3
سورى اتاخرت ف الرد
انا جامعة سوهاج
بس مخنوقة من الاناتومى بالزات مووووووت السنادى
بس خلى بالك الجامعة غ بعضها زفت يعنى اكتب براحتك واتوصى
ومرسية خالص لحضرتك
سورى اتاخرت ف الرد
انا جامعة سوهاج
بس مخنوقة من الاناتومى بالزات مووووووت السنادى
بس خلى بالك الجامعة غ بعضها زفت يعنى اكتب براحتك واتوصى
ومرسية خالص لحضرتك
معلش اصل الجعر دخل قوقعهته الفكرية وزاهد فى التدوين اليومين دول اول ما يرجع هيبت فى امر الاغنية ان شاء الله
بس الاناتومى اسهل من البيو يا دكتورة
بعد الامتحان اقدر اقول لحضرتك انهم مفيش فرق بينهم
اما موضوع الاغنية فممكن تاجيلة طالما هنشوف مكانه مواضيع جديدة
ابداااااع..����
محمد ضياء كيف ممكن أتواصل معاك؟ ����
إرسال تعليق