الجمعة، سبتمبر ١٧، ٢٠١٠

يا طالب يا فاجر

ّ

يا طالب يا فاجر
يا عمال تعافر
وقاعد تذاكر
وسهران تهابر
وتحفظ كمان

وترجع تراجع
وتفتح مواقع
وتقرا في مراجع
وتحرت وتهرس
تحس بأمان

وتلحق تخلّص
وتعرف تلخّص
وتعمل ملخّص
وتقدر تشخّص
في أسرع زمان

برضك هجيبك
لا يمكن هسيبك
وهاخدك وأزطّك
وأشيلك وأحطّك
وأغير وأقدّم
معاد الامتحان

وبمخي المصدّي
وعقلي المهدّي
والعاهة اللي عندي,
هادخل وأدّي
وطبعا هعدي
منا ابن الأفندي
وهارتب كمان
* * * * * * * *

هناك ٤ تعليقات:

دكتور بهــدوء يقول...

:)
تفتح مواقع.... محيي
تقرا ف مراجع.. احمد القللي
تحرت وتهرس...المروات

الا هيا ايه العاهه اللي عنده؟
تظل الامتحانات بكليتنا الموقره قادره ع تفجير ابداعاتك دوما

د. أحمد الحاج يقول...

أخيييرا .. الحمد لله
كنت اعتقدت إن الكلية خلصت عليك
لسه فيك الرمق .. الحمد لله
فلتصبر ولتحتسب!!
شد حيلك ... هاااااانت
كلها كام سنة ... وتتعود!!

س يقول...

رائعة كالعادة ... و رجعت الحياة للمدونة

بس مش كنت تخليها بعد الامتحانات عشان المعنويات دلوقتي مش ناقصة أصلاً

ربنا يسترها

Entrümpelung wien يقول...

Dank den Themen .... Ich hoffe, mehr von den Themen