عفريت العلبة
ليه يا كتاب النسا مش راضي
تدخل جوا دماغي الفاضي؟
ليه يا كتاب النسا بتعصلج
نفس الصفحة لساعة قصادي؟
ليه يا كتاب النسا مش عايز
جرب حتي ما يمكن جايز
تلقي دماغي مكان متكلف
تلقي حشيش تبقي إنت الفايز
جابلي مراية وقاللي يابيه
آدي دماغك بص عليه
شغل مخك -لو موجود-
ودا مين بتروح للنار رجليه؟
قلتله راسي إيجارها جديد
عقد وقابل للتجديد
إدخل بس لحد ماأخلّص, وإن مارتحتش
تخرج تاني بالتأكيد
قمت هجمت عليه في ثواني
صفحة فبقي, إتنين في وداني
رزعت وراه قفلين ألماني
وإنسي يا داخل تخرج تاني
فتحت عنيا لقيته مكانه
فاتح بقه ومطلع لسانه
طلعت أصوّت غيتيني يامّه
عفريت العلبة أشكيف زمانه!
هناك تعليقان (٢):
خير خير ان شاء الله ... النسا دي بتروقنا على جميع الأصعدة ... دة كفاية اللي بيحصل فينا في الراوند ... و في الآخر تيجي واحدة لطيفة ظريفة من الراوند الأخير اللي امتحنوا أيام الرخص و تقول " اشمعنا احنا امتحنا في معادنا "
يارب ارحمنا برحمتك و عديها على خير
Thanks for it .. I hope the new Topic is always
إرسال تعليق