إزاي تعرف إنك ف سكشن؟
- خلصتو كلام يا دكاترة؟
- الكلام دا مش بقوله لنفسي..أنا عارفاه كويس
- اللي عايز يعد عشان يستفيد أهلا وسهلا..اللي عايز يخرج يتفضل أنا مبجبرش حد عالحضور.
- الدكتور اللي بيتكلم هناك....هوا عارف نفسه.
- اللى بيبص من الشباك هناك .. لو عايز انزل العب كورة معاهم
- والله متكلمت / أنا اتكلمت خالص؟
- متقولش متكلمتش...يعني أنا بتبل عليك؟
- دنا كنت بأوله عايز قلم / بسأله علي حاجة.
- اللي عايز يسأل عن حاجة يسألني أنا.
- محدش يكتب لحد في الكارنيه عشان هنده الاسامى
- الكلام اللي بقوله ميدحكش.
- حطلى كارنيهي معاك
- لما المحاضرة تخلص رنللي.
- ولا..أنا نازل لو حصل حاجة رنللي
- لو ندهو عالأسماء رنللى.
- يادكتور اتخيل ان الجار فيه نقط صفرا
- الشريحة واضحة يادكتور انت بس اللى مذاكر
- لأ الجار ده جديد موجود من سنة 90
- انا عارف اننا خلصنا بس لازم نقعد لغاية الساعة 3 دى تعليمات رئيس القسم
- كراسات العملى لازم تكون خلصانة أول بأول .. انت وراك ايه غير المذاكرة
- مجموعة ستة تروح للدكتورة عشان تمتحن Nematode
- مخلصتوش البحث ليه ؟
- لأ احنا هناخد كل الشرايح لغاية ما رئيسة القسم تشوف هاتلغى حاجة ولا لأ
الجعرّ و أبورمّانة
هناك ٨ تعليقات:
تماااااااام
زمان العيال بتتريقأ عليا كده!!!طب نشرح إزي وحضراتكم يا بهوات بتتكلموا!! ثم الدكاترة دول عالم طفحوا الكوتة عشان يمسكوا المايك ما يجراش حاجة أما تسمعوهم ست سنين :)) خليكوا حلوين عشان ربنا يكرمكم بعيال حلوة زيكم
:)
yalhwi howa ento da5lein teb 3shan el mic w bs
سبحان الله, كان لسه عندي سيكشن النهارده أهو,سمعت يمكن 10 عبارات من المذكوره , هو حوار السكاشن ده بالوراثة مثلا؟ ولا بيمتحنوهم فيه قبل ما يدولهم المايك, ربنا يتوب علينا
اختلفت الكليات والسكشن واحد
ههههههههههههههههههه
نفس العبارات تقريبا في حاسبات ومعلومات مع تغيير بعض العبارات التقنية
مش ممكن هما متفقين مع بعض ولا ايه ؟؟ الكلام مبيتغيرش في اى سنة ولا في اى كلية
مواااااااااااااااااااااااااااااافقة
وسلام
اوكي موافقك علي كل حاجه
بس نسيت حاجه مهمة بتتقالي دايما
يا دكتور اتفضل اخرج بره ههههههههههه
وكمان ممكن يا دكتور استناني لحد ما السكشن يخلص وتعالالي في المكتب
وفي كمان محدش يقاطعني وانا بتكلم واللي عايز يسأل في حاجه بعد ما أخلص
وفي حاجات تانيه كتيررررررررر
تحياتي وموضوع شديد
إرسال تعليق